அடடா..நம்ம புத்தகமும்..

அடடா…நம்ம புத்தகமும்…..

29வது புத்தக கண்காட்சியில்(சென்ற வருடம் ஜனவரி 2006) எனது புத்தகமும் (தோழியே உன்னை தேடுகிறேன்) விற்பனைக்கு வைக்கப்பட்டுள்ளது என அப்பா கூறினார். மிகுந்த ஆவலுடன் சென்று பார்த்த போது எனக்கு ஏமாற்றம் மட்டுமே மிஞ்சியது. புத்தகங்கள் எங்கோ தவறிவிட்டது. அடியில மாட்டி இருக்கும் என்றார் நாகராஜ். பாரதி புத்தகாலயத்தின் பதிப்பகர். சின்ன ஏமாற்றம். அப்படியே மற்ற கடைகளுக்கு சென்று மற்ற புத்தகங்களை வாங்கி வந்தோம்.

30வது புத்தக கண்காட்சிக்கு நான், எனது இரண்டு தங்கை, ஹலோ தமிழா நால்வரும் சென்றோம். வலம் வந்து கொண்டிருந்த போது என் புத்தகம் இருந்தது. நான் நேசிக்கும் சே, பிடல் புத்தகங்களுக்கு கீழேயும், சா.தமிழ்செல்வன், பி.ராமசந்திரன் புத்தகங்களுடன் இருந்தது ஒரு இன்ப அதிர்ச்சி. மனதுக்குள் சின்ன சந்தோஷம். புத்தகங்களை படிக்க துவங்கிய காலத்தில் நானும் எழுதுவேன் என நினைத்து கூட பார்த்ததில்லை.

அன்று இரவு ஹலோ தமிழன் சொன்ன வார்த்தை இன்னும் என் காதில் ஒலிக்கின்றது ‘உமா இந்த புத்தகம் ஒரு Preface மட்டும் தான். உனக்கும் எழுத வரும் என்பதை உனக்கும் உலகுக்கும் தெரிவித்தது. இதுவே உன்னுடைய Destination அல்ல. அடுத்த புத்தகம் உச்சத்தை தொடவேண்டும்’ என்றார்.உற்சாகம் உச்சி முதல் பாதம் வரை..

இதோ அந்த புகைப்படம்…

“என் மகிழ்ச்சியினை என்னோடு மட்டும் வைத்துக்கொள்ளவும் மாட்டேன். என் நண்பர்கள் சோகத்தினை அவர்களோடு மட்டுமே விட்டுசெல்லவும் மாட்டேன்” (தோனுச்சி எழுத்திட்டேன்..யாரும் வையாதீங்க மக்கா)

(30வது புத்தக கண்காட்சி அனுபவங்கள் விரைவில்…)

-விழியன்