விழியன் பக்கத்தின் முதல் பிறந்தநாள்

விழியன் பக்கத்தின் முதல் பிறந்தநாள்

புத்தகம் ஓரம் ஒன்றில் கிறுக்கியதை பார்த்து “நல்லா இருக்குடா” என்று முதல் கவிதை (அது கவிதையே இல்லை என்றாலும் அது தான் முதல் கவிதை) பிரசவித்தது. அங்கு துவங்கிய என் கிறுக்கல்கள், சில தூரம் கடந்துள்ளது.

இன்று கடப்பது விழியன் பக்கத்தின் முதல் வருடத்தினை. பிப்ரவரி -23 – 2006 அன்று இந்த வலைப்பூ முதன்முதலாக வலையேறியது. இந்த வலைப்பூ என்னுள் பல்வேறு மாற்றங்களை என்னையறியாமல் மாற்றியமைத்ததுள்ளது.

அடப்பாவி இதுக்கா இத்தனை பில்ட்அப் என்று நீங்கள் கேட்பது எனக்கு கேட்கின்றது. தாய்க்கு தன் குழந்தையின் பிறந்த நாள் எவ்வளவு பெருமையான விசயமோ,அதே போல இந்த நாள் எனக்கு முக்கியமான நாள். விழியன் பக்கம் உலகிற்கு வந்து ஒரு வருடம் முடிகின்றது.

பலதரப்பட்ட மக்களின் உறவு, ஊக்கம், நட்பு, புதிய விடயங்கள், புதிய நோக்குகள்,புதிய பார்வைகள்,புதிய எண்ணங்கள்,வரம்பு மீற வரவேற்புக்கள், விவாதங்கள், சண்டைகள்,மனக்கசப்புகள்,வாழ்த்துக்கள், இன்னும் எண்ணில் அடங்காதவை. ஆனாலும் எது நடந்தாலும் என்னுள் ஒரு முதிர்ச்சியையும், பக்குவத்தையும் அளித்ததாகவே நம்புகிறேன். ஆனாலும் இன்னும் வெகுதூரம் கடக்கவேண்டும்.

விழியன் பக்கம் இரண்டாம் ஆண்டை அடியெடுத்து வைக்கும் இந்த நேரத்தில் உங்களுக்கு ஒரு வேண்டுகோள். நான் எங்கு சருக்குகிறேன், நான் எங்கு வழுக்குகிறேன், எதை தவிர்க்கலாம், எதை எதிர்கொள்ளலாம்,எதை தொடலாம் போன்ற உங்கள் விமர்சனங்களை முன் வையுங்கள்.கண்டிப்பாக செயல்படுத்துவேன்,செயல்படுத்தியும் வருகின்றேன்.

நன்றி சொல்ல கடமைபட்டவர்கள்

முத்தமிழ், நம்பிக்கை , அன்புடன் இணையக்குழுமங்கள்

பாஸ்டன் பாலா – என் வலைப்பூவை 2006 ஆம் ஆண்டின் சிறந்த பத்து வலைப்பூவில ஒன்றாக தேர்ந்தெடுத்து ஊக்கப்படுத்தியமைக்கு

முத்துகுமார்(SK) – வலைப்பூ என்பதை என்ன என்று சொல்லி, ஆங்கிலத்தில் ஆரம்பிக்க தூண்டியவன்.

தங்கள் வலைப்பூக்களின் எனது வலைப்பூ முகவரியையும் சேர்த்துள்ள அனைத்து நண்பர்களுக்கும்.

அதைவிட நான் என்ன எழுதினாலும் நித்தம் ஊக்கம் தரும் இணையவாசகர்களான உங்களுக்கு.

-ஒரு வருடத்தின் முடிவில் சில கணக்குகள்

மொத்தம் பார்வையிடப்பட்டது – 18250 முறை

மொத்த பதிவுகள் – 170

விழியன் பக்கம் இன்னும் வேறு வேறு தளங்களுக்கு உங்கள் ஆதரவிலும், அன்பிலும் விரியும் என்பதில் எனக்கு நிறையவே நம்பிக்கை உள்ளது.

நன்றியுடன்

விழியன்