நிறைவேறாத கனவுகள் – கவிதை

நிறைவேறாத கனவுகள்

ஒன்பது மணி குளியலறை சண்டை
பக்கெட் போராட்டம்
சோப்பு சண்டை
இரவு நேர கும்மாளங்கள்
கால நேரம் தெரியாமல் சீட்டாட்டங்கள்
நினைத்த நேர கிரிக்கெட்
காரணம் அறியா அடிதடி
புகைப்பதற்கான தனியறை
அரை இஞ்ச் அழுக்கேறிய ஜீன்ஸ்
ஞாயிறு காலை மெஸ்ஸின் தோசை
ஒரே கட்டிலில் மூவர் உறக்கம்
விடிய விடிய தேர்வின் தயாரிப்பு
தேர்வு முந்தைய நாள் கண்விழிப்பு
மின்சாரம் அணைந்ததும் எழும் சத்தம்
சன்னலை திறந்தால் உள்வரும் மலையழகு
மலைக்கோவில் தரிசனம்
மொழிவாரியாக நட்பு
காசு பார்க்காத மனம்
எல்லாம் கேள்விபட்டதோடு சரி
நிறைவேறாத என் ஹாஸ்டல் கனவுகள்
–
விழியன்