Vizhiyan Photography – 12 (Single Shot)

நான்கு நாட்கள் வால்பாறை மற்றும் குருவாயூருக்கு செல்ல போட்ட திட்டம் பயணச்சீட்டு கிடைக்காததால் ரத்தானது. நீண்ட நாட்களாக கிராமம் ஒன்றிற்கு சென்று வரவேண்டும் என்ற எண்ணத்தை நிறைவேற்றிக்கொண்டேன். அம்மா வழி பாட்டியின், மூத்த சகோதரியின் இளையமகன்(மாமா) வீட்டிற்கு சென்றேன். ஆரணியில் இருந்து சுமார் 15 கி.மீ. எந்த வளர்ச்சியும் காணாத கிராமம். மூட்டை மூட்டையாய் பாசம். நான் சென்ற முன் தினம் பலத்த மழை பெய்ததால் கழனி முழுக்க தண்ணீர். சீக்கிரம் நடவு செய்ய டிராக்டர் கழனியில் ஓட்டப்பட்டது.வரப்பில் இருந்து ரசித்தேன்.

வெயிலில் களைத்து கல்மீது அமர்ந்த போது தான் அங்கு ஏராளமான தட்டான்கள் பறந்ததை கண்டேன். எத்தனை முயன்றும் சரிவர புகைப்படத்தை எடுக்க முடியவில்லை. சொன்னால் சிரிப்பாக இருக்கும், ஒரு தட்டானிடம் “ப்ளீஸ் ஒரே ஒரு கிளிக்” என்று கெஞ்சினேன். நான் சொன்னது புரிந்ததா தெரியவில்லை. வளைத்து வளைத்து புகைப்படம் எடுத்தேன். அமைதியாக நின்றது. ஒரே ஒரு புகைப்படத்தில் நேருக்கு நேர் நின்று போதுமா என்றது போல காட்சிதந்தது. இதோ அந்த புகைப்படத்தை இங்கே உங்கள் பார்வைக்கு வைக்கின்றேன்.

இந்த Pose போதுமா ?

-  விழியன்