க.பி கவிதைகள் – 4

க.பி கவிதைகள் – 4

பொண்டாட்டி ஊருக்கு போயிட்டாப்பா… 1

அவளில்லா இரவில்
அளவில்லா சோகத்துடன் நித்திரைக்கு செல்ல…
நினைவுகள் நிஜத்திலிருந்து கனவுக்கு தாவின
கனவிலிருந்து என்னை காண்கிறேன்.
நிஜத்தில் நிம்மதியாய் உறங்குவதை கண்டு
கனவிலும் உறங்க செல்கிறேன்.
நினைவுகள் எங்கோ உலாவி
விழிக்கையில் நிஜத்தோடு தழுவின.
ஏதோ கனவு கண்டாதாய் நினைவு
-விழியன்

——————————————————————————–

பொண்டாட்டி ஊருக்கு போயிட்டாப்பா… 2

அருகாமையில் அடித்துக்கொள்ளும் பொழுதும்
அணைத்துக்கொள்ளும் கணங்களும்
அறியமுடியவில்லை..
ஓர் நாள் பிரிதலில்
நமக்கான அன்பின் உயரங்களையும்
பிரியங்களின் ஆழங்களையும்
உணர்த்தியது இல்லத்தின் வெறுமை
-விழியன்

குறிப்பு: இந்த இடுகை இடும் போது மனைவி வீடு வந்தாச்சு