Vizhiyan Photography – Moon

நேற்று சம நாள். அதே சமயம் பெளர்ணமி. நிலா பிராகாசமாக இருந்தது, அதுமட்டும் இல்லாமல் ஜூப்பிட்டரும் நிலாவினுடன் பயணம் செய்தது. வெறும் கண்களால் ஜூப்பிட்டர் தெரிந்தது. கேமராவில் அதன் துணை கோள்களும் தெரிந்தன. ஆஹா. அற்புதமான உணர்வு.

நிலாவினை முதல் முறையாக படம் பிடித்தேன். அட இத்தனை நாள் இதனை விட்டுவிட்டோமே என எண்ணத்தோன்றியது. நிலா முழுதும் வெள்ளையான பந்து என நம்மை இத்தனை நாள் ஏமாற்றியது நன்றாக தெரிந்தது. ஒவ்வொரு முறை க்ளிக் செய்து பார்த்த போது ஒவ்வொரு உருவம் அதனும் தெரிந்தது.  ஒரு நாய் குட்டி கண்ணாடி போட்டுக்கொண்டு இருப்பது நன்றாக தெரிந்தது. பாட்டி யாரேனும் வடை சுடுகின்றார்களா என வெகுநேரம் பார்த்தேன். ம்கும். சிக்கவில்லை. பல இடங்கள் (மலைகள்) கருமையாக இருந்தது. நம்மூர் அரசியல்வாதிகள் அங்கே போய் வெட்டி எடுத்து வந்துவிட்டார்களோ என தோன்றியது.

கேமரா செட்டிங்க்ஸ்

நிறைய வெளிச்சம் நிலாவில் இருந்து வருவதால் 1/800 அல்லது 1/1000 அல்லது 1/1600 ஷட்டர் ஸ்பீடில் எடுத்தால் சரியாக வந்தது. 1/4000லும் முயற்சித்தேன். படம் சரியாக வரவில்லை. இன்னும் குறைத்தால் வெள்ளை பந்துபோல தெரிந்தது. போகல் லெந்த் 300mm. f-Number f5.6 வைத்திருந்தேன்.

Shutter Speed: 1/800, 1/1000 or 1/1600

Focal Length : 300mm

F-Number :f /5.6

1. இதை பாடாத கவிஞன் இல்லையாம்

2. வெள்ளை பூசணிக்காய்

3. திருட்டு

4. ஐ!!

(தகவல் – விஞ்ஞானி – TVV)

5. போனஸ் !

– விழியன்