Skip to content

கருணைத் தீவு – Book Intro

April 5, 2017

கருணைத் தீவு – சிறுவர் நாவல் – அறிமுகம்

ஒரு க்ளாசிக் படைப்பினை வாசிப்பதே புது விதமான அனுபவம். அது காலங்களை கடந்து காட்சிகளாக விரியும் தருணங்கள் அலாதியானவை. நம் நிலப்பரப்பிற்கு சற்றும் சம்பந்தமில்லாத இடத்தில் கதை நகரும் போது மேலும் சுவாரஸ்யம் கூடிக்கொள்ளும். கூழாங்கல்லில் நீர் பட்டதும் சர்ர்ரென வழுக்கி செல்வது போன்ற மொழிபெயர்ப்பும் மொழியும் இருந்தால் இன்னும் சுவாரஸ்யம் தானே. Johann David Wyss எழுதிய Swiss Family Robinson என்ற குறு நாவல் தான் கருணைத்தீவாக மொழியாக்கமாகி இருக்கின்றது. தமிழ் சிறுவர் இலக்கியத்தில் கடந்த 30 ஆண்டுகளுக்கு மேலாக இயங்கி வருபவர் எழுத்தாளர் சுகுமாரன். சுமார் 25 புத்தகங்களுக்கு மேலாக எழுதியுள்ளார். தமிழ் சிறுவர் இலக்கியத்தின் மீது ஒரு தீர்கமான விமர்சன பார்வையை தன் முந்தைய நூலான குழந்தை இலக்கியம் – விமர்சனமும் விவாதங்களும் என்ற கட்டுரை தொகுப்பில் முன் வைத்தார்.

ராபின்சன் கதை கூறுகின்றார். கதை ஆரம்பிக்கும் இடமே அவர்கள் குடும்பம் பயணித்த கப்பல் திக்கு தெரியாத தீவில் ஒதுங்குவதில் இருந்து ஆரம்பிக்கின்றது. எப்படி அவர்கள் கரையை சேர்ந்தார்கள் தங்கள் நான்கு மகன்களுடன் எப்படி ஒரு மரத்தின் மீது வீடு கட்டுகின்றார்கள், எப்படி தீவினை ஆராய்கின்றார்கள், என்னென்ன காரியங்களை செய்கின்றார்கள் என கதை விரிகின்றது. கூடவே பயணிக்கும் விலங்குகளுக்கு சரிசமமான இடமுண்டு. பத்து ஆண்டுகள் அங்கேயே கழித்து தங்கள் இரண்டு மகன்கள் ஒரு கப்பலில் இங்கிலாந்திற்கு பயணிக்கின்றார்கள் என முடிகின்றது கதை. ராபின்ஸன் ஸிவ்ஸ் நாட்டினை சேர்ந்தவர். வாசிக்கும் போதே காட்சிகள் மனதினில் விரிகின்றன. அந்த நாட்களில் வரையப்பட்ட ஓவியங்கள் வாசிப்பிற்கு மெருகூட்டுகின்றன.

தமிழ் சிறுவர் இலக்கியத்திற்கு நல்ல பங்களிப்பு. வெளியிட்ட வானம் பதிப்பகத்திற்கு அன்பும் நன்றியும்.

– விழியன்

Advertisements
No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: