தேவதையின் தோசை (கவிதை)

தேவதையின் தோசை

மனையாள் இல்லாத நாளொன்றில்
‘அப்பா நான் சமைக்கவா’வென
இடுப்பில் தாவி
கரண்டியை தூக்கமுடியாமல்
அவள் சுட்ட தோசை
வட்டமாக இருக்கவேண்டும் என்கின்ற
வரைமுறைகளை உடைத்து வந்தது அழகாய்
ஓவியத்தை எப்படி உண்பதென
ரசித்துக்கொண்டே அமர்ந்திருக்க
‘நான் ஊட்ரேன்பா’ என
ஓடிவந்த குட்டிமகளை கட்டியணைத்து
முத்தமிடாமல் இருக்கமுடியவில்லை
—
விழியன்

Tag: Kavithai,கவிதை